Dag 0: Om ikkje anna er avtalt, møtast vi utanfor postkontoret i sentrum av Chamonix (på Place Balmat i Rue du Docteur Paccard), klokka 1800. Vi rekk å ta ein kjapp utstyrsprat før butikkane stengjer og dei som må supplere mat eller leige/kjøpe utstyr rekk dette, sjølv om det meste av utstyr må vere ordna tidlegare.
Etter ei eventuell handlerunde kan vi møtast på ein restaurant for kveldsmat, bli litt kjent med kvarandre og sjå litt på planane for veka.

NB! Dei som ikkje rekk oppmøtet klokka 1800 må gi beskjed, slik at de får diskutert utstyrsvalet med føraren (butikkar og skiutleige stengjer klokka 1930 og opnar ikkje før etter avreise neste dag).

Dag 1: Argentiére – Argentiérehytta
Vi startar med å ta taxi eller buss til Argentiére, øverst i Chamonixdalen. Herfrå tek vi heis til toppen av Grand Montets (3295 moh). Her får vi turens første nedkøyring, ca 1000 hm ned Rognonbreen til Argentiérebreen.

Frå Argentiérebreen passerar vi Argentiérehytta og går ein akklimatiseringstur til eit av passa Col du Tour Noir høgdemeter oppstigning og nedkøyring, tilbake til Argentiérehytta (2771 moh) der vi overnattar.

Dag 2: Argentièrehytta – Trienthytta
Frå Argentiérehytta sklir vi eit stykkje ned Argentiére- breen før vi startar oppstigninga mot Col du Chardonnet. På baksida av Col du Chardonnet må vi normalt rappellere eller fire oss ned eit lite stykkje før vi når ned på Saleinabreen. Vi kryssar breen og tek opp mot dagens andre «col» (skar), Fenêtre de Saleina. Vi klatrar opp i dette skaret og kryssar deretter Trientplatået. Etter nok ei kort oppstigning når vi Trienthytta, der vi skal overnatte.

Dag 3: Trienthytta – Prafleurihytta
Dagen startar med ei kort nedkøyring og lett klatring over Col des Ecandies, før vi får ei lang og flott nedkøyring ned Val d’Arpette til Champex.
Frå Champex tar vi taxi til Le Châble (Verbier). Her tek vi heisen til toppen av Mont Fort. Er forholda gode kan vi òg her få ei fin nedkøyring, før vi startar på dagens gåetappe over Col de Momin og Grand Dèsert. Om vi ligg godt an tidsmessig rekk vi ein tur på toppen av Rosablanche før vi køyrer ned til Prafleurihytta som er dagens mål.

Dag 4: Prafleurihytta – Dixhytta
Denne dagen må vi starte ekstra tidleg frå hytta. Vi skal over Col de Roux før vi traverserar langs Lac des Dix. Denne traversen er skredutsett, og det er viktig at vi passerar her før sola startar å varme snøen. Dagens etappe er relativt kort og vi kjem tidleg til Dixhytta. Her kan vi nå å gjere ein topptur, men dei fleste vil nok ha mest glede av å slappe av og å hente seg litt inn igjen etter lange dagar i førevegen.

Dag 5: Dixhytta – Vignetteshytta
Frå Dixhytta går vegen opp to brefall og ca 900 hm mot toppen av Pigne d’Arolla på 3796 moh. Dette er det høgaste punktet vi må over på turen, og dei fleste vil nok merke høgda her. Frå Pigne d’Arolla får vi 600 hm fin nedkøyring mot Vignetthytta, som ligg spektakulært til på ein smal fjellrygg.

Dag 6: Vignetteshytta – Zermatt
Dette er siste dagen, og den er òg den lengste. Dei fleste vil likevel ikkje oppleve det som den tyngste, sidan vi no begynner å bli godt akklimatisert til høgda. I dag skal vi over tre pass og krysse sju brear. Vi skal over Col de L’Evêque, den relativt bratte Col du Mont Brulè og Col de Valpelline, til saman 1100 hm stigning, 2400 hm nedkøyring og om lag 30 km i distanse før vi kan skli inn til Zermatt og spenne av oss skia. Zermatt er ein svært koseleg by med ei spesiell atmosfære prega av fjellhistorie. Deretter arrangerer vi transport tilbake til Chamonix for en siste overnatting før hjemreise.

Dette er den varianten av Haute Route som blei gått på ski i 1911. Etter Champex går denne varianten via Bourg St Pierre og vidare sør for Grand Combien, til den møter den ruta vi har beskrive på Pigne d’Arolla nest siste turdagen. Denne varianten er noko tyngre enn Verbier- varianten samtidig som den er meir vêr og forholdsavhengig.

Denne varianten er vanleg å gå i forbindelse med «Den klassiske»-varianten. Ved å gå denne ruta slepp ein taxituren frå Champex (til Verbier eller Bourg St Pierre) som kan opplevast som eit unaturleg avbrot i turen. Denne varianten krev åtte turdagar og kostar noko meir.

Dette er ei vanleg forlenging av Haute Route som krev ein ekstra dag. Turen frå Zermatt til Saas Fee går midt gjennom eit imponerande alpint landskap og passerar fleire kjende 4000-metertoppar.

Enkelte ønskjer å bruke den opparbeidde akklimatiseringa til å prøve å bestige ein eller fleire av dei mest kjente 4000-metertoppane i Alpane.
Om nokon ønskjer å prøve seg på Mont Blanc anbefalar, vi å sette av tre ekstra dagar til dette. Éin dag til å komme seg tilbake til Chamonix og to dagar til å nå toppen. Sesongen for skiturar på Mont Blanc er normalt frå midten av april til midten av mai.

Reise og transport

Overnatting, mat og drikke

Underveis på turen overnattar vi bade i fjellhytter og på hotell. Hyttene har relativt god standard, er betjente og kan minne om DNT sine betjente hytter. Hyttene har sovesalar 10 – 20 senger per rom. En vil få servert ein enkel treretters middag på kvelden, frukost på morgonen, og ein kan kjøpe med lunch og drikke til tur dagen etter.

Føreren reserverer plass på fjellhyttene, og overnattingene i Chamonix

Ein bør ha mulegheit til å bære med ca. 2 liter drikke på turdagane. Drikke kan kjøpast på hyttene. Om ein likar å ha med varm drikke på dagsetappane, får ein fylt termos eller drikkeflaske på hyttene.

Ryggsekk, ca 40 liter (må vere muleg å feste skia på sekken).

NB! Det er ikkje naudsynt å ha med meir klede og utstyr enn det som står i lista under.

Skiutstyr

• Randonèe- eller telemarkski (ikkje for tungt utstyr)
• Skifellar
• Skarejern
• Skistøvlar (ein treng ikkje andre sko då det finst innesko på alle hyttene)
• Stavar

Breutstyr

(kan leigast eller kjøpes hos Breogfjell)

• Isøks
• Stegjern
• Sittesele
• 2 skrukarabinar
• 1  stk 120cm band- eller tauslynge
• 1 stk klemknutslynge (6mm)

Skredutstyr

(kan leigast hos Breogfjell)

• Sendar-/mottakarutstyr
• Spade
• Søkestang

Klede

• Jakke (vind-/vasstett)
• Bukse (vind-/vasstett) (evt gamasjar)
• Hue
• Hanskar og vottar (vind-/vasstette)
• Sokkar (inkl. skift)
• Varme underkle (gjerne ull)
• Isolasjonslag (t.d. ull eller fleece)
• Dunjakke eller ekstra ull-/fleecjakke

Anna

• Solbriller
• Slalombriller/goggles
• Solkrem (inkl. sterk)
• Hovudlykt (viktig!)
• Toalettsaker (inkl. toalettpapir til dagsetappane)
• Våtserviettar (til handvask)
• Personlege medisinar
• Lakenpose
• Øyreproppar (til sovesal)
• Kamera
• Drikkeflaske/drikkesystem (slange)
• Kontantar til hyttene og lokaltransport (Ca 20 Euro + 210 Sveitsiske Franc)
• Europeisk helsetrygdekort (E111)
• Reise- og ulykkesforsikring (evt medlemsskap i REGA/Carte Neige)
• Pass (vi kryssar fleire landegrenser (Frankrike/Sveits/Italia)

Føraren tek med

• Enkelt reperasjonsutstyr
• Førstehjelpsutstyr
• Vindsekk
• Breredningsutstyr
• Kart, kompass og GPS